Kodi ya Kuendeleza Ufundi Stadi

Utangulizi

Kodi ya Kuendeleza Ufundi Stadi: ni kodi inayokusanywa na Mamlaka ya Mapato Tanzania chini ya Sheria ya Mafunzo ya Ufundi Stadi na Sheria ya Kodi ya Mapato inayotozwa chini ya Kifungu cha 14 cha Sheria ya Mafunzo ya Elimu ya Ufundi, Sura ya 82 na kukusanywa na TRA.

Utozaji: Kodi ya Kuendeleza Ufundi Stadi inatozwa kwa kuzingatia malipo-ghafi ya malipo yote yanayofanywa na mwajiri kwa waajiriwa walioajiriwa  na mwajiri huyo katika kipindi mahususi. Ni muhimu kuelewa kuwa Kodi ya Kuendeleza Ufundi Stadi ni wajibu na hulipwa na mwajiri.

Malipo – ghafi ni jumla ya mishahara, ujira, malipoya likizo, ada, kamisheni, bonasi, kiinua mgongo, posho yoyote ya safari, viburudisho, au posho nyingine anazopokea mwajiriwa kutokana na ajira yake au huduma aliyotoa.

Pale inapotokea mwajiri anamlipa malipo mwajiriwa yeyote kwa muda wa chini ya mwezi mmoja au kwa muda wa zaidi ya mwezi mmoja, malipo hayo yatachukuliwa kana kwamba mwajiriwa huyo alikuwa anastahili malipo ya kila mwezi na kiasi cha malipo yanayotozwa kodi kwa mwezi kwa mwajiriwa huyo kwa mwezi wowote kitachukuliwa kuwa ni malipo yanayotozwa kodi iwapo mwajiriwa huyo angelipwa mshahara wa kila mwezi.